لعتزيت بروس يام العظيمه يا جبان

[عشق الكتابه]

السلام عليكم
هذه القصيده إهداء الى من يهمه الامر:

لعتزيت بروس يام العظيمه يا جبان
ما تأخر منهم حد لما جيت أزهمه

مثل برد الماء لما جاء على عرق الضمان
ومثل نور الصبح يجلى من الكون غسمه

ومثل حد السيف ليجا على وضح البيان
ومثل ريح العصف ما في نحرها تهدمه

نقدح البارود والرمح من فوق الحصان
والعنيد الخصم ليجا نغار ونلطمه

انشد اللي ذاقوا المر وأنواع الهوان
كم عقيدٍ منهم قد سلبنا محزمه

ماضي التاريخ طرز لنا في الكون شان
من تمنى حرب يام العتيقه تهزمه

عزنا ربي و نور الهدى بالحق بان
ويقتدي به من سرى في الليالي المظلمه

من عوايد يام تكسب مع الوقت الرهان
كم عدوٍ وسط جوفه سكبنا به دمه

وإن لفانا الضيف يلقى تراحيبٍ سمان
ومن خيار لموال في واجبه ما نلزمه

والدخيل يبشر لمنه نصانا بالأمان
ينجلي همه ولو كان جرمه ما جرمه

وجارنا مهما مكث في مرابيع المكان
معزز مكرم على كل حاله نحشمه

والخوي لقاله الله فلا يمكن يهان
نعترض دونه ونرفع على الرأس علمه

نرتكي للحمل لصكت اظروف الزمان
ما نخيل به لزلت عن الدرب قدمه

والعهد ما نخلفه عند من عزه وصان
يوم عاد الوقت ضيقه وظلمه معتمه

لابتي عن مجدها تعجز حروف اللسان
كل شاعر لو مدح ما يوفيها قلمه


مــــنــــــــقــــــولـــــ

وسلامتكم

[كلي أمل]

صح لسانك ولا هنت ..


تسلم أخوي أسير ..

الله لا يحرمنا من قلمك المتميز ...


يشرفني أن أكون أول الموقعين في صفحتك المميزة ..

ولك مني كل التحايا والإحترام ...


أختك ..

وجـــــــــــــــــــدان

[عشق الكتابه]

ياهلا فيييك



منوره الصفحه ياوجدان



دام مرورك وطلتك الحلوه

[كيفي سعودي]

صح لسانك يالغالي

بس القصيدة من كلماتك

أو منقوله يالغالي

ولك خااااااااااص شكري

[عشق الكتابه]

هلا فيك اخوي كيفي سعودي



تشرفت لتواجدك

[كيفي سعودي]

أسير الحرف

مارديت علي يالغلا

القصيدة لك او منقوله