قصيدة طلال الرشيد

[عطر الورد]

قصيده رائعه جدآ للامير الشاعر طلال الرشيد (الملتاع)
يقال بان احدهم انتقصه عندما لقب بالامير ...
وقال ان طلال ليس اميرآ ... فكتب به هذه القصيده .







يالصغيـر مـا يكبرنـي لقـب
ومايصغرني اليا انكرني صغيـر

ما خذينا الصيت من جمع الذهب
ولا نسابة شيخ أو قربـة أميـر

كاسبينه من هل السيـف الحـدب
الجنايز كان مـا جـاك النذيـر

صيتهم نجم علـى راسـه لهـب
سمعوا الصقهان به واجهر ضرير

بالوفا تاريـخ ابيـض ينحسـب
لا حكوا بالحق حييـن الضميـر

ضيغمـي ٍ للسناعيـس انتسـب
لابت ٍ طلنا بهـا عـرش ٍكبيـر

عند حدك يا كثير الهـرج تـب
ولا تمر النار وثوبك من حريـر

كان لـك عـز ٍ بذلـي فتعقـب
والله إلا تبطي وحبلـك قصيـر

احسب انك من صناديـد العـرب
واثري ساترتك عباتك يا غريـر

ما حسب لسّوس زراع القصـب
والقراده مـادرا عنهـا البعيـر

لو حسبنـا للحسايـف والتعـب
مابذرنـا يالعصافيـر الشعـيـر

عن هلـك وبـراي لله احتسـب
الرجال اللـي مجاراهـم عسيـر

من قريش المصطفى وابو لهـب
والدغالب ما غشت عذب الغديـر

للرجال مـن الرجاجيـل العتـب
والزكاة اتحل فـي حـال الفقيـر

لعن ابو وقتٍ غدينا بـه حطـب
تحرقه نـارٍ.... يثورهـا أجيـر

ما ألومك الزمـن سـوا العجـب
هو بقى غير الكرامـه بالجفيـر

مـا أذل والـراس يـشـم اللهب
لو بقى من شمر ٍ طفـل ٍ غريـر

ما أهاب ولا يزلزلنـي غضـب
الشجاعة ورث والعاقـل غزيـر

يا صغيّـر مـا يكبـر باللقـب
غير منهو كان للدونـه صغيـر


الامير الشاعر طلال الرشيد ...

[كيفي سعودي]

عطر الورد

شكراً على أختيارك الرائع والجميل

للقصيدة

الله يرحم الشاعر الكبير
طلال الرشيد

ويسكنه فسيح جناته

وربي يعطيك العافيه

كيفي سعوددددددي

[عــاشــق الــورد]

يـــا صـغـيّـر مـــا يـكـبـر بـالـلـقـب
غـيـر مـنـهـو كـــان لـلـدونـه صـغـيـر


الله يرحم الشاعر وسلمت يمناك على النقل


تقبل مروري

[ســـــوّاح]

مشكور اخوي على القصيدة الجميلة


ولك تحياتي


ســـــــــــــــــوٌاح